Winnie 的部落格

join左法巨咁耐，d職員個個都好友善，服務態度十分好！唯一真系有遺憾 美中不足既一定系跟我地出外影既助手！有睇我之前分享既JM一定知道點解我會咁講，好啦，唔講其他啦，同大家分享下令我感動難忘既婚紗相啦

以上的相片獻醜了....

感謝莫門之幸福時刻的徐sir！（ 幫我們拍了好多漂亮的相片，照期間無微不至的照顧，還有拍照期間超班的技術）坦白說，如果不是因為助手多次的失誤，事前，我真的有想過將全部相片買走。

當然不少得化妝師Pagge（漂亮的韓式加台式的化妝set頭，而且我是沒有給任何建議，居然可以化到我的心水）。

法巨既老細Boss Lee（我當初問一句，Boss Lee你會一齊出外景嗎？他說如果我拍照的那天有空檔，就跟我們一齊出去，他有信守承諾，陪我出外景，他一個沒有架子友善的老板）

施經理（挑相片期間給的意見）

感謝大家的協助，讓我們倆有一輯難忘的婚紗照！

終於到影相日啦‧‧‧係台灣玩左3日，第四日先影相,原本行程唔係咁嫁，但因為要就徐sir D 期，所以改左。事實證明，我選擇徐sir係超級正確！因為影出梨D相我超級滿意！跟住同大家分享下我果日影相過程啦，有D長‧‧‧

         3/10早上7：00準時到法巨，同時有另一對準新人係門口等緊，佢地都係香港人梨嫁，大家都係琴日揀衫，今日影相^^等左一陣有人開門，估唔到開門比我地果個就係我既化妝師，Paggy！好興奮啊！見到等左4年既化妝師偶像，門口仲有今日影相新人既名啊^^有種被重視的感覺！

         跟住Paggy叫我地入去化妝室坐住先，準備埋D野，問我有無自備安瓶？有啊，我係香港買左過梨，期間一D都唔hard sale，感覺好舒服，因為我聽D姐妹講，台灣有某D婚紗攝影公司就算你自備左，都會不停話你自備果D唔得，不停游說你買！但Paggy完全無sale我，好中意呢！

        搽完安瓶等佢吸收完，跟住就同我化啦！首先Paggy問我有無想整D咩造型？其實我對於造型真係一竅不通，跟住Paggy就比左本有關化妝造型既書比我睇，叫我中意既mark低。跟住從中再變化，留意：台妝係比較厚DD，同平時化開果D會有D唔同！但paggy幫我化果D係韓妝加台妝mix埋！我揀左好多紮起梨既， 跟住Paggy話我將你揀果D再變化，造出不同效果，感覺唔會成日都係同一個造型！

        化妝期間同Paggy傾開計，Paggy先知原來係fb追蹤左4年果個就係我！一直都以為我係影左相既客人！估唔到我係未影，同埋一直留意佢動向果個係我！哈哈，我都知有D誇張嫁啦，始終4年都唔係一個短既時間！

       化完妝，我既偶像攝影師徐SIR亦都到左啦！好興奮！之前係婚紗展都見過，但已經好耐了，還有要補充一樣，就係徐SIR已經離開左法巨，徐SIR衣家自己開婚禮攝影公司，佢十分好地答應幫我影衣輯婚紗相，我相信無幾多個人好似徐SIR咁好！自己已經離開左舊公司，因為當初一句承諾!二話不說回來幫我影！真係好感動！謝謝你，我最愛的偶像攝影師徐SIR！

        同徐SIR溝通完，講完想影既地方同主題，就比我見到Boss Lee！好耐之前問過Boss Lee可唔可以一齊出外景，Boss Lee話如果我梨果日時間允許就一齊出！yeah！Boss Lee今日OK啊！應承我一齊出去啊好開心！跟住Plan好路線，我地一行五人就出發啦~而Boss Lee就話會遲DD梨join我地^^

      因為天氣唔係太好，所以我地由淡水莊園轉為陽明山的真愛桃花園，入場費都係$3000台幣，要付現金。

     去到陽明山，徐SIR帶左我地去一個樹林開始影><樹林……..真的打冷震！蚊、蟲….真係麥都有！嚇4我！仲有蜈蚣！！！！而且就係我前面！！但我仍然要擺一個好enjoy既表情……..oh…..no…..><期間我比D蚊咬到又紅又腫！！Paggy好細心幫我搽野！其實徐SIR都有比野咬。但憑著專業的技術同精神，居然一句呻言都無！佩服！佩服！

       期間，徐SIR拎電話梨問我，話這個原來是你來的？！我一直以為是馬來西亞的客人，從未想過是你！因為香港的客人很少像你一樣，那麼熱情！徐SIR，我都說我是你的超級粉絲……哈哈~估唔到你都係衣日先知原來fb追蹤左4年果個就係我！哈哈，徐SIR、Paggy你們兩個的表情跟反應都係一樣驚訝哦….嘻嘻~~

        成個過程當中，唯一感覺美中不足就係個助手！！因為唔識打燈！！搞到好多次因為佢！所以要重影！！大家都知啦，影相係好累！如果因為衣D錯誤要重影或者重擺post！真係會發脾氣！裙擺；衣D表面上係基本野，但都好睇你識唔識“養“起！“養“起之後裙腳要順，同埋拋頭紗！個助手直情將我個頭連頭紗一齊扯！最後除左頭紗跌落水，我都差點掉下水，可想然之幾大力！好多次徐SIR、Paggy、Boss Lee都睇唔過眼親自落場幫手！JM們記得了，除了選攝影師、化妝師，「助手」都係好重要，好似我咁，真係一肚氣！但為左唔比衣件事影響自己拍攝情緒！要盡量抑壓自己超級既燥底火滾既心情！真係好辛苦！

     拍了一天照真係好累！但慶幸我選了一個專業既團隊！令我的婚紗照加添不少色彩！！再次感謝莫門之幸福時刻的徐SIR！化妝師Paggy！老板Boss Lee！謝謝你們的專業！

來一張大合照先

去到法巨揀pre wedding d 衫,唔揀都唔知原來自己超級唔襯短裙........><

同埋同我試衫個女仔Candy,真係超級有心機同我試,

而且每件都換得好快!!同埋不停比意見我^^

雖然自己睇中果d唔比出外影,但Candy都比我著上身滿足下

以下就係我所試既衫,大家覺得點啊??

試左6件婚紗

試左10件長晚裝

Part  1(選定〝你〞的過程)->較長

最近真係超級忙碌，忙到連blog都無時間打｡今日終於的起心肝要打我篇pre wedding blog Part 1！

30/9-5/10同男友飛台灣影pre wedding，同埋玩番一兩日｡ 

講起join pre wedding公司都覺得自己有點兒誇張，早係四年前已經join左同比曬錢，但一直都無去影｡

大家可能都會覺得好奇怪，未有結婚打算就買package！?哈哈，仲要只係睇過下人地既blog，分享攝影師徐sir幫自己影既婚紗相｡就join！

因為我一睇相就即刻愛上徐sir既攝影風格，覺得唔join對唔住自己！而且攝影師一定要指定徐sir！

跟住即刻開fb inbox問法巨，問黎緊會唔會擺婚紗展，會的話去現場睇下，雖然男友話齋睇唔買！都好，起碼可以去現場睇下d作品｡開心下！婚紗展果日我仲好記得係13/2，第二日係情人節｡去到會場，好快鎖定法巨，跟住有個男仔帶我地坐低，其實開頭意志真係好堅定齋睇唔買，始終未有結婚打算住啊嘛……後來越聽越吸引，我同個sales講唔join住了，因為我地暫時未有結婚打算住，後來個sales肯破例比我張單hold五年！但首要條件即join 同比錢！哇！聽完個心即刻心旭旭，但男友話今次淨係睇唔買……後來我話依你今年未送情人節禮物比我wo，一於衣份就係情人節禮物啦！yeah，男友終於應承啦，即刻比錢！sales人美仲係單度寫明保留年期、我指定既攝影師，風格｡直情完美啊！同場仲有一直係fb傾開既boss lee啊!boss lee真係好好人 ！謝謝你！

努力出part 2揀衫篇