上年年初己經決定搵間婚紗攝影公司, 拍人生唯一而又難忘的婚紗相
自己上網搵過好多資料, 心目中一直在找簡約風格的效果, 對比咗數間工作室
在灣仔, 九龍灣的兩次婚展都親身去睇過介紹
最後在Wedding Jun 6 join plan, 決定用MAY Studio
韓國婚紗之旅~~~
無經驗的兩個人再加上心情緊張, 問題多多, 要點樣做, 準備什麼 Jun 6方面的一一回答了
到了出發當天心情依然緊張, 我哋係搭零晨出發的, 上機前的一天, 韓國接待我們的Jun 6人員Nina己經主動聯絡我們
告知到首爾機場後如何聯繫, 令我哋稍稍放心
一到達首爾機場的接機大堂就找到司機舉著Nina講的接機牌, 司機立即就幫手推行李, (我哋帶咗兩個大喼!)
當時是韓國時間的早上06:30, 因為相約Nina是中午十二點的, 司機第一時間車我哋返住宿的酒店, 我哋自己都仲係好似未訓醒咁
Nina怕我哋等吧! 十一點就到了酒店樓下了
而且一見面就收到一袋的禮物了, 令我們愕然, 問可以打開嗎, Nina: 當然可以啦!~
一個很貼心的禮物盒: 裡面有面膜, 地圖, 朱古力, 兩張類似八達通的儲值卡, 等等多樣嘢, 樣樣係你會用得著的, 真的很窩心!~~
隨即就坐住專車去VERECA去選婚紗了
Nina好靚女, 好nice, 好溫柔, 好主動, 好好人, 途中怕我哋悶, 一直陪著我地傾計
到VERECA見到唔係將所有的婚紗一次放在新人面前比人簡的, 佢哋先比兩本相簿我哋睇, 了解新人的喜好款式
然後一次攞2~3套出黎讓新娘試著比較, 我幾中意呢個做法, 反而一次過放在你眼前花多眼亂, 一定更難做決定
佢哋亦會試推薦款式睇你中唔中意
我先試著婚紗… 在前面有個小小的圓台, 有幕簾
有個工作人員, 有個阿姨幫手換裝換婚紗, 老公就坐在梳化飲住coffee等睇靚女, 轉頭我就等睇靚仔!!
佢哋既婚紗變化都好多, 只要簡簡單單咁加件短短的白紗就好似另外一套婚紗咁, 好正! 起碼我覺得好新奇, 好玩
新娘包有兩套婚紗, 一套晚裝, 新郎就係兩套西裝, 成個過程大約用咗一個鐘有多, 算係好快, 亦挑選到我們的滿意的
一段小插曲, 當天落住毛毛雨, 地面亦都很濕滑
真黑仔, 就在試好晒婚紗走的時候在VERECA樓下老公他滑倒, 整損手, 流晒血
對於佢黎講就好少事, 嚇到我同Nina面都青埋, 即刻就帶返我哋上去止血搽藥膏, 搞咗一輪十五分鐘就無事喇~~
唉! 真係, 咁唔小心都有… 所有唔好的都已經過去, 好彩個樣仲係好靚仔有型, 無任何影響~~
跟住就車我哋回到Jun 6幫我們訂的酒店住處, 好多美食的首爾新村自由活動
諗住在附近隨便行下, 食小小嘢就算了, 最後都係忍唔住行咗唔少地方, 食咗一鍋雞連粥, 同埋行街食咗好多小食~~
第二日, 早上四點半就要起床準備了, 大約五點多Nina和司機就在酒店樓下等緊喇, 嘩… 可想而知佢哋幾早起身準備, 真係辛苦晒佢哋…
七點鐘我們就黎到Jenny House化妝set頭, 比我們早的仲有兩對新人己在等緊, 聽Nina講呢個間化妝室起韓國都算出名,
過程亦見到有兩隊韓國的女團到來, 估唔到咁早呢個地方己經咁繁忙, 很熱鬧
新娘可能要用多些時間吧, 我一到步就第一時間就進去開始, 老公先在接待處等約半小時
最後前前後後都用咗兩個多小時, 因為過程並不馬虎, 化妝師知道我們時間比較趕, 但亦無求其hea做, 好認真, 好欣賞
完成後就坐專車過去影樓, Jenny House仲有個阿姨全程跟住我執妝set頭髮, 扶住我hold住婚紗裙尾, 全程好似保姆咁
Nina同阿姨成個攝影過程都跟實我哋, 又翻譯又幫頭幫尾, 我哋覺得都好輕鬆舒服
到影樓後攝影師先比新人看sample, 篩選出新人喜歡的場景
我哋個攝影師係個後生仔, 睇上去好年輕, 第一時間我哋都無乜信心, 開始後就發覺佢好好
原來呢個後生仔, 好專業, 有小小固執(係好事)即係有要求, 而其好搞笑, 我哋都唔識擺post, 佢一直用簡單的中文指導教
有時攝影師佢自己扮女仔擺post, 挺胸扭patpat, 好好笑
我哋笑得好僵硬果時, 佢就會撩我們笑, 微笑… kikikiki~~, DAI笑(大笑)hahaha…
總之就係好好笑
Nina除了翻譯外也同司機都有用相機在攝影師旁幫我哋影好多的snapshot
阿姨過程中不斷幫我整理婚紗裙, 換髮飾, 轉髮型等等
大約中段時間Nina還叫司機買咗果計同好味的飯卷怕我哋肚餓
雖然唔清楚總共影咗幾多張, 但粗略估計都七八百張或者近千張
過程好似很快, 但係都拍攝咗三個多鐘才完成我哋揀選的場景
當日拍攝完成後我哋就好似放下心頭大石咁
餘下的幾日就係我哋兩個的首爾自由行, 輕鬆晒~~ RELAX!!
估唔到當晚電郵就己經收到二百幾張的snapshot
回程香港前一天己經收到拍攝原檔的連結下載了, 好有效率
最後一天JUN 6的老闆還專程接載我哋到機場, 真係好好, 非常感激, 真係超方便
呢次體驗好正!
完全出乎意外地值得, 在香港求求其其普普通通使費都遠遠超過了我們呢次韓國婚紗攝影之旅
過程簡單, 愉快, 輕鬆, 同時間亦在婚紗攝影之旅多了個首爾自由行之旅
WEDDING JUN 6 的服務好正, 好貼心, 值得推薦
係我們幸運吧! 接待我哋翻譯的Nina, 化妝間, Studio, 攝影師, 阿姨, 司機, 住的酒店等等, 一切我們都好滿意
感謝這次韓國婚紗攝影之旅的一切人和事, 令我們覺得幸福圓滿!!
