• 育兒/子女話題
  • 心情抒發

幼齒培育日記–天才與白痴原來真係會連成一線﹗



文章1

活動0

發表日期2017年4月8日

2017-04-08

 

成日聽人講「天才與白痴只差一線」,但原來天才與白痴唔止會差一線,仲會連成一線。有一種病叫學者症候群,依種病經常同自閉症相提並論,大眾經常對自閉症存有極大誤解,某程度係因為電影情節嘅影響。好多人睇完電影就誤以為大部份自閉症患者都有驚人嘅潛能同智商,事實上就只有6%嘅自閉症患者當中係有高智能(天才)。而只有10%甚至更少嘅自閉症患者係擁有學者症後群。 

 

 

 

 

 

 

 

 

 

 

 

 

 

 

 

 

 

 

 

 

 

(電影《雨人》–講述學者症候群患者的電影,劇中主角能背誦一萬二千本書籍)

 

 

咁到底乜係學者症後群?其實學者症後群係講緊擁有特殊能力嘅人類。例如係超絕對音感、超立體空間感、無限記憶又或者係電腦級精密數學計算。聽完解釋,係咪覺得好似好勁,直程講緊變種特攻咁。但其實學者症後群患者會因為佢地擅長嘅範圍太過狹窄,智商只介乎於40-70之間(偶有例外,只係少數中嘅少數)佢地會連自理都出現問題,情況就好似晚年嘅X博士,長年要有看護照顧先可以生存。完全係英雄無用武之地。

 

 

 

 

 

 

 

 

 

 

 

 

 

 

 

(學者症後群患者,自理能力會出現極大問題)

 

 

根據研究,男性出現學者後群嘅機會特別高,大約男女比例係六比一,擁有學者症後群嘅人可以話係一個嚴重傾斜嘅金字塔,完全係天才與白痴共存嘅集合體。而因為過強嘅能力,相比一般自閉兒童反而仲會有更多生活上嘅不便出現(例如擁有絕對音感而對聲音有過激過敏反應)老年變種特攻嘅X教授可以話係學者症後群嘅誇張版。事實上,電影經常將學者症後群患者過度美化,令大眾有誤解,忽略左真實群體需要。特別係患有學者症候群嘅小朋友,佢地係童年都有相當不愉快嘅經歷。

 

 

咁點樣先可以界定自己小朋友有無患上學者症後群?

 

要界定係必需要搵專家同醫護人員。而未確診嘅情況下日常生活中同小朋玩下啲邏輯遊戲都可以窺探一二。

不過家長們千祈唔好曬錢買坊間玩具,以下我會分享一啲上網搵返嚟嘅免費DIY遊戲,等你同小朋友可以開開心心一齊玩。最重要嘅一點就係,唔好咩都聽坊間嘅道聽途說(包括我),有咩事都要搵醫生問清楚先啦。

 

網上DIY幼兒遊戲

 

DIY幼兒砌圖

 

環保呠呠車

 

鞋盒足球機

 

 

 

作者名:幼齒的秘密

 

簡介:幼齒專家,研究幼齒各種奇難雜症多年。為人類解開幼齒的秘密。

  • 加入最愛

  • 檢舉文章

  • Line分享

  • FB分享

感謝您,於veryWed分享您寶貴的經驗,送出前請詳閱以下條款: