• 閒聊抒發
  • 心情抒發

好唔開心!買對結婚公仔都俾人呃..



文章1

活動0

發表日期2019年3月23日

2019-03-23

事源我想買一對旅行青蛙嘅結婚公仔俾朋友,係Instagram搵左幾間鋪頭, 見有間叫大師級好似唔錯就問佢哋有無賣同埋有無相睇啦,個STAFF話冇相但舖頭有現成公仔, 所以叫我去門市睇, 結果去到又話冇,之後個STAFF搵搵下佢手機又show到張相畀我睇,咁睇落張相又幾正常既!

類似咁既

我見個STAFF又搵到相俾我同埋佢地都有鋪頭,應該都信得過啦,點知就奶嘢喇!

等左兩個月….滿心歡喜拎番屋企一打開真係嚇一嚇, 竟然俾左對咁既結婚公仔我,真係O晒咀仲要收我1500蚊! 真係未見過扁咀既結婚公仔囉! 同埋我訂個時明明訂左一男一女以家變左對男人… 跟住佢覆我佢地天生係咁既樣..

我真係接受唔到囉! 不過收尾間野話可以再幫我整整, 咁我就信多佢一次啦!

跟住我就再拎番對公仔去鋪頭, 當時個STAFF 就話如果改完真係再唔滿意就可以換公仔或者全數退款。咁OK 啦等左2星期第二對公仔有喇! 但同職員既相都係好有出入而且原本我係要男公仔係黑色衫, 點知又轉左銀色…



唉…真係好失望,我都唔想再煩喇!所以我揀退款算啦! 跟住whatapp個負責人佢話從來都冇退款服務,問我仲有咩唔滿意 我話根本同一開始個STAFF SHOW既相好大出入囉! 跟住佢話個STAFF已經離左職從來冇人見過張相。

咁我就嬲嬲地打俾個負責人,第一我就話之前明明話門市有現成去到又冇,佢就話對公仔第二日就賣左質疑我問完係咪冇即刻去門市睇。 第二我問佢對公仔點解咁大出入,佢聲稱第一對扁晒咀既係台灣正版, 第二對係日本版, 而我想要既跟本唔係呢兩個版本, 仲話我要求多多。 第三我話你地同事講大話當初有現成變冇現成, 跟住有退款變冇退款. 成個過程負責人態度超差,仲話我打黎係撩交嗌, 仲要係我講講下野俾人轉左幾次線。呢D服務態度真係令人超嬲,好失望。最後都只係肯改件衫..所以大家買結婚公仔要小心揀,唔好俾錢買難受!!!!

PS間野係油麻地現時點大師級




 

  • 加入最愛

  • 檢舉文章

  • Line分享

  • FB分享

感謝您,於veryWed分享您寶貴的經驗,送出前請詳閱以下條款: